Pas lëvizjeve të fundit në prokuroritë e rretheve nga ana e Kryeprokurores Arta Marku, tashmë ajo ka firmosur këtë të premte urdhrin për ngritjen e dy drejtorive të reja. Drejtoritë që do të ngrihen pas urdhrit të Markut janë, Drejtoria e Hetimit për të Miturit si dhe Drejtoria e Inspektimit të Prokurorisë.
Dy drejtoritë që do të ngrihen , kanë si synim që të sjellin riorganizimin e punës në institucionit të akuzës për të miturit pas hyrjes në fuqi të Kodit Penal për të miturit si dhe me anë të inspektimit do të trajtohet çdo rezultat i prokurorëve për çështjet që do ndjekin-shkruan Shqiptarja.com.
Garancia dhe mbështetja nga ana trupës diplomatike në Tiranë, duket se ka krijuar një natyrë më vendimmarrëse për kryeprokurorin, pasi për një kohë të shkurtër ka firmosur dhe ka lëshuar shkresa për emërime dhe shkarkim në organet e akuzës.
