Aktori i famshëm autralian Rasëll Krou, arriti kulmin e karrierës së tij në vitin 2001. Kur filmi në të cilin ai ishte protagonisi kryesor “Gladiatori”, fitoi disa çmime Oskar. Përfshi atë të aktorit më të mirë kryesor. Efektet speciale, skenat masive, kolona zanore e mrekullueshme por edhe interpretimi brilant; e renditën atë film në majat e klasifikimit në kinematë e gjithë botës.
Por fama e Krou, tërhoqi jo vetëm kritikët dhe artdashësit e kinemasë, por edhe krye terroristin Osama Bin Laden. Pak para sulmeve të 11 Shtatorit 2001, kreu i Al-Kaedës kishte planifikuar rrëmbimin e tij. Me synim “destabilizimin kulturor të SHBA-së”. Ose të paktën kështu besonte Byroja Federale e Hetimeve, FBI.
Në atë kohë, aktori i njohur i Hollivudit nuk kishte dëgjuar kurrë për Al-Kaidën, apo për udhëheqësin e saj karizmatik. Por, siç duket Osama bin Ladeni dinte gjithçka rreth Rasëll Krou. Sipas dëshmive të kohës, FBI ishte kaq shumë e shqetësuar për sigurinë e tij. Saqë e vuri në një mbrojtje speciale për 4 vitet e ardhshme.
Natyrisht plani për “destabilizimin kulturor” të Amerikës, mendohej se përfshinte marrjen peng edhe të aktorëve të tjerë të njohur. Por FBI ka qenë shumë e rezervuar mbi këtë çështje, dhe nuk ka dhënë asnjëherë detaje. Pavarësisht këmbënguljes së vazhdueshme të medias .
Për shkak të kërcënimit terrorist, aktori australian pati një siguri të përforcuar gjatë xhirimit të 2 filmave. “Një mendje e bukur”, dhe “Mjeshtri dhe komandanti”. Në një interviste thënë për britaniken “The Guardian” në vitin 2005, aktori kujton se ajo periudhë e stresoi jo pak. Duke e dëmtuar imazhin e tij.
“Unë nuk e di ende sot e kësaj dite, se çfarë ishte ajo histori. Gjithçka që di, është se një ditë mbërrita në hotelin tim në Los Anxhelos, ashtu siç kisha bërë shumë herë të tjera. Dikush trokiti në derë, unë e hapa dhe një ekip agjentësh të FBI-së hynë brenda. Kjo pasi donin të bisedonin me mua.
Më pas, për gati 2 vjet, ata ishin gjithmonë përreth meje. Mbaj mend që shkoja në ceremoninë e përvitshme të ‘Golden Globe” dhe kisha 16 truproja rrotull meje. Dhe as që e di arsyen. Ata nuk më jepnin mua asnjë detaj. Dhe sigurisht, njerëzit çuditeshin me atë që shihnin. Pastaj një ditë ata u larguan”.
Krou e pranoi se gjatë bisedës me agjentët e FBI-së, dëgjoi për herë të parë për Al-Kaidën. Byroja Federale, ishte bazuar në disa regjistrime të marra nga një polic francez në Libi nga disa persona të dyshuar si terroristë.
Por në vitin 2005, aktori i njohur tha se FBI nisi të dyshojë. Sepse “kërcënimi ndoshta ose ishte mbivlerësuar dhe më pas ata filluan të vinin në dyshim burimet e tyre”. Edhe shumë ekspertë besojnë tani në retrospektivë, se kërcënimi ndoshta ishte keqkuptuar.
Në fakt, nuk ka qenë hera e parë që Bin Laden ka qenë i fiksuar pas personazheve të famshëm të shoubizit perëndimor. Gjatë viteve 1990, thuhet se krye terroristi arab, iu vardis për disa kohë yllit të muzikës botërore, Uitni Hjuston. Duke ëndërruar që të martohej me të, edhe pse ata nuk ishin takuar ndonjëherë bashkë.
Ish e dashura e tij, Kola Buf dëshmon në librin e saj, se në atë kohë Bin Laden, bënte një jetë të shfrenuar mes seksit, drogës. Dhe vallëzonte vazhdimisht nën ritmet e muzikës perëndimore. Sheiku e cilësonte Uitnin si gruan më të bukur, që ai kishte parë ndonjëherë.
Ai ishte kaq shumë i fiksuar pas saj, sa që mendonte se ajo i përkiste besimit islam. Të cilin e kishte lënë pas dore nën ndikimin e kulturës amerikane dhe bashkëshortit të saj, Bobi Braun. Sipas Buf, Bin Laden shprehej vazhdimisht se një ditë do të shkonte enkas në SHBA. Dhe do përpiqej të organizonte një takim me Uitnin.
Madje ai kishte planifikuar edhe vrasjen e bashkëshortit të këngëtares, që ajo të ishte e lirë të martohej me të. Bin Laden ishte kaq i marrosur pas këngëtares amerikane, saqë edhe gratë e tij i urdhëronte të stilonin flokët si Hjuston. Në rast se këngëtarja pranonte të martohej me të, ai kishte menduar t’i dhuronte një rezidencë që zotëronte në periferi të Kartumit në Sudan./ TIRANA TODAY
