Pas dy fitoreve rradhazi ndaj San Marinos dhe Maltës, kombëtarja e Kosovës ka humbur miqësoren ndaj skuadrës afrikane të Guinesë.
Ndeshja e zhvilluar në Antalya të Turqisë, përfundoi me rezultatin 1-2 në favor të Guinesë. Pjesa e parë përfundoi me rrjeta të paprekura, teksa në pjesën e dytë u shënuan të gjitha golat e takimit.
Guinea realizoi dy herë brenda gjashtë minutave, teksa Kosova ishte e pafuqishme për të përmbushur rezultatin, dhe goli i shënuar Arb Manaj në fund të ndeshjes, ishte thjesht për statistikë.
Kosovë-Guinea 1-2
Shënues: Manaj 93’/ Kouyate 60′, Kante (pen.) 66′
Kosova: Bekaj, Thaqi, Jashanica, Domgjoni, Bajselmani, Broja, Loshaj, Hoxha, Rrudhani, Topalli, Daku. (U aktivizuan: Asllani, Balaj, Hajrulahi, Jashari, Manaj, Baftiu).
