Kreu i Partisë Demokratike, Lulzim Basha ka bërë lëvizjen e radhës ndaj mazhorancës në pushtet. Dy ditë pas rrëfimit të “Dëshmitarit X” dhe vendimit për të protestuar më 26 maj përpara Kryeministrisë, lideri i PD-së ka mbledhur sot edhe krerët e degëve.
Pas thirrjes së protestës së madhe për largimin e ministrit të Brendshëm dhe çlirimin e vendit nga qeveria e lidhur me krimin, Basha ka nisur punën për organizimin e protestës.
Paraditen e sotme, ai ka mbledhur krerët e partive në rrethe për t’i adresuar detyrat dhe porositë konkrete për zhvillimin e protestës.
Sipas burimeve nga mbledhja Basha pritet të diskutojë me demokratët në rrethe edhe zgjedhjet brenda PD-së dhe vijimësisë së aksionit ndaj qeverisë së kryeministrit Rama.
