Ministri serb i Mbrojtjes Aleksandër Vulin thotë se kryeministri maqedonas Zoran Zaev “nuk e ka mbajtur fjalën e tij”, shkruan b92. Reagimi i Vulinit erdhi pasi Zaev – i pyetur nëse vendi i tij do të mbështesë ofertën e UNESCO-s për Prishtinë, tha se Prishtina duhet “të llogarisë mbështetjen e Maqedonisë në të gjitha proceset”.
“Ndërsa ish-kryeministri i Serbisë, Aleksandar Vuçiç kishte thënë më parë, se kryeministri maqedonas nuk e ka mbajtur fjalën e tij. Megjithëse ai bëri një premtim publik për të abstenuar në çështjen e anëtarësimit të KiM (Kosovës dhe Metohisë) në UNESCO dhe se kjo do të ishte dëshmi e miqësisë ndaj Serbisë, por Zaev vendosi të mbështesë Prishtinën”,- tha Vulin në një deklaratë të martën.
Ai shtoi se: “Zaev në këtë mënyrë demonstroi situatën, dhe se Vuçiç i njeh mirë njerëzit dhe rrethanat, por edhe atë që kryeministri maqedonas me të vërtetë mendon për Serbinë”.
“Serbia dhe presidenti i Maqedonisë kanë marrëdhënie të mira. Kryeministri i Maqedonisë nuk e di se ta respektojë këtë,” përfundoi Vulin.TIRANA TODAY
