Pas fenomenit “Balena blu”, një tjetër lojë vdekjeprurëse po përhapet me shpejtësi. Kjo lojë luhet nëpërmjet WhatsApp pasi kontaktohet nga vetë administratorët.
Së pari, përdoruesit janë sfiduar të kontaktojnë ‘Momo’ duke dërguar mesazhe në një numër të panjohur. Pas kësaj ata kërcënohen me imazhe të frikshme dhe të dhunshme. Loja virale është e lidhur me imazhin shqetësues të një gruaje me tipare groteske.
Dyshohet se një vajze 12-vjeçare në Argjentinë ka kryer vetëvrasje për shkak të kësaj loje.
Loja është raportuar në disa vende anembanë botës, përfshirë Argjentinën, Meksikën, Shtetet e Bashkuara, Francën dhe Gjermaninë, ndonëse deri më tani duket se është më e përhapur në Amerikën Latine.
Askush nuk e di saktësisht se ku e ka origjinën Momo ose kush është prapa lojës shqetësues, ndonëse deri më tani është lidhur me të paktën shtatë numra telefoni duke filluar me kodet nga Japonia dhe vende të shumta në të gjithë Amerikën Latine, sipas Daily Mail.
Për këtë rast ka reaguar edhe psikologia Adelina Pjetra, e cila kërkon që prindërit të tregojnë kujdes maksimal për fëmijët:
Prindër ju lutem tregoni vëmendje ndaj fēmijëve tuaj!!!
-Ju rekomandoj që paisjet elektronike të përdoren vetëm kur ju jeni prezent.
-Te komunikoni dhe ti pyesni femijet tuaj nese gjate lojes i ka merzitur dicka?
– ti shpjegoni dhe tregoni femijeve tuaj se edhe nqs mendojne se kane bere ndonje gabim , ju do te dini te jeni aty per ta , ti degjoni , ti mbeshtesni dhe ti qetesoni.
– Kerkoni ndihme nga një specialist nqs nuk arrini te kuptoni femijen tuaj.
Fëmija juaj mund të jetë duke shikuar një film vizatimor por në mes të filmit i shfaqet një lojë e frikshme që i kërkon të bëjë veprime vetëvrasëse.
Kohët e fundit kam vënë re shumë fëmijë që raportojnë simptoma ankthi, ndjejnë frikëra të ndryshme , pagjumësi , agresivitet dhe sjellje të papërshtatshme.
Duke u mbështetur edhe në shkrimin e Daily Mail por edhe shumë portaleve të tjera nëpër botë , mendova ta testoj realitetin në Shqipëri .
Një lojë sfiduese u shfaqet fëmijëve , në mes të një video në youtube ose një loje fëmijësh ( përfshihen të gjitha hapësirat e përdorura në ineternet edhe YouTube per fëmije) ku i kërkohet fëmijëve të kryejnë disa sfida ..Pepa Pig , loja Fortnite etj etj
Në videon më poshte do te degjoni se si kjo loje u kerkon që të marrin një toster buke, ta fusin në prizë , ta mbajnë të ndezur ndërkohë që fëmija futet në dush , hap dushin duke pasur edhe objektin në duart e tij .
Kjo sfidë kërkohet të realizohet nga fëmija, në të kundërt MOMO do vijë ti vrasë .
Kjo është seriozisht një emergjencë … tregoni kujdes !
nga: Adelina Pjetra PSIKOLOGE
