Kryeministri I Kosovës Albin Kurti në një prononcim për mediat, teksa ishte duke pritur mbërritjen e dozave të vaksinës Covax është shprehur se është e nevojshme marrja e masave të reja për parandalimin e mëtejshëm të virusit.
Duke u ndalur tek fakti që sipas tij koha që ne kemi shpenzuar duke u marre me zgjedhjet ka ndikuar tek krijimi I nje ngërci në raport me pandeminë.Vendet e varfra si Kosova e kane të domosdoshme përkrahjen e aleatëve SHBA-BE, pasi kapacitetet e këtyre vendeve të varfra nuk mund të mbulojnë të gjitha shpenzimet e nevojshme.
Në vazhdim Z.Kurti u shpreh se nuk kemi më kohë për të humbur, ndaj edhe duhet me ja nis samë parë nga puna, qoftë për parandalimin e pandemisë, por edhe për një sërë problematikash të tjera.
“Jemi mbledhur për të mirëpritur arritjen e kontingjentit të parë, është një kontingjent i vogël por ngjall shpresë të madhe, për fillimin e shpëtimit të njerëzve. Secila jetë është e çmuar, prandaj më shumë se kurrë bota ka nevojë për solidaritet, deri tash e keni mësuar që virusi nuk njeh kufij. Prandaj më lejoni të falënderoj aleancën Covax. Vendi ynë është i vogël dhe i i varfër dhe ka nevojë për mbështetje të madhe e sidomos nga SHBA-ja dhe BE-ja, gjatë viti që lamë pas është humbur kohë e çmuar në qeverisjen e mirë , kohë që na ka kushtuar shumë e me shumë jetë njerëzisht, atë kohë nuk mund ta kthejmë mbrapa, por tash është koha të veprojmë”.
“Masat tona duhet të jenë të shpejta e të drejta që të parandalojnë numrin e infektimeve. Vaksinimi duhet të fillojë menjëherë dhe pa asnjë vonesë. Qeveria jonë, që ju keni zgjedhë, po punon ditë e natë dhe po bën të pamundurën që të sigurojë sa më shumë vaksina. Vaksinimi duhet të fillojë menjëherë dhe pa asnjë vonesë. Kemi 87.981 të infektuar e 1.840 të vdekur. Në dy javët e fundit kemi mesatarisht 10 vdekje në ditë dhe një trend në rritje”, theksoi Kurti.
