Partizani ka fytyrë tjetër me Klevis Dalipin në pankinë. Tashmë të kuqtë përpos lojës së bukur dhe dominuese kanë filluar të marrin edhe rezultat. Në transfertën e Kamzës të zhvilluar ditën e sotme, Partizani ka fituar falë një goli individual të Lucas Cardosos në pjesën e dytë dhe rikthehet në objektivin Europë.
3 pikë me mjaft vlerë që i rikthen ata në vendin e tretë, ndërsa nga ana tjetër Kamza humbet shkëlqimin dhe tashmë zhytet në zonën e ftohtë të mbijetesës. Në Kamëz pjesa e parë ishte më e mirë për Partizanin ndërsa fraksioni i dytë i lojës ishte disi më i balancuar por atëherë kur të gjithë menduan se kjo sfidë do të mbyllej në një barazim pa gola, Lucas Cardoso i ardhur në fushë nga stoli në minutën e 76-të, realizoi një gol të bukur duke i dhënë fitoren e dytë radhazi në kampionat Paritzanit që tashmë kap Laçin në vendin e 3-të në kuotën e 42 pikëve.\
Nuk gaboi Luftëtari edhe pse sfida ndaj Lushnjës së vendit të fundit rezultoi e vështirë për skuadrën e Hasan Likës që iu fal një goli të Kristal Abazajt në minutën e 40-të dhe finalizimit të në sekondat e fundit të shtesës për të mposhtur 2-0 lagunarët dhe për t’u ngjitur në kuotën e 40 pikëve.
