Partizani e nis me humbje, sulmi mbetet problem

Partizani ndodhet në Antalia ku është duke zhvilluar mini-fazën përgatitore, ashtu si disa skuadra të tjera të Superiores. Është zhvilluar edhe miqësorja e parë për të besuarit e Sulejman Starovës dhe ka përfunduar me një dështim pasi ishin turqit e Kasimpasa S.K që triumfuan. Të kuqtë kanë dhënë maksimumin në këtë sfidë, por u mungonte rrjedhshmëria e aksioneve dhe kjo ka bërë që dominues të jetë vendasit.

15 herë kampionët e vendit janë ndëshkuar në sekondat e fundit të takimi dhe kjo bëri që të dilte i humbur nga ky test. Edhe pse nuk ka shumë rëndësi rezultati në një ndeshje të tillë, por paraqitja në fushë e lojtarëve mund të themi se vazhdon të jetë një problem i madh për Partizanin sulmi. Starova hodhi si formacion startues: Hoxha, Kalari, Ibrahimi, Atanda, Kotobelli, Telushi, Trashi, Batha, Progni, Asani dhe Bardhi. Nga prurjet e merkatos së dimrit, nga fillimi e nisi lojën vetëm Telushi. Në pjesën e dytë u aktivizua edhe mbrojtësi Egzon Belica, në vend të Kotobellit. Po kështu, disa minuta iu rezervuan edhe Realdo Filit, që zëvendësoi Asanin.