Komisioni Qendror i Zgjedhjeve paralajmëron se do të këtë gjoba të majme ndaj atyre partive që nuk kanë dorëzuar raportet financiare për 2017, ta bëjnë atë pasi në të kundërt do të gjobitën.
Në një dalje për mediat, nga KQZ zëdhënësja Drilona Hoxha tha se nga 128 parti, vetëm 18 kanë dorëzuar raportin. Ajo i ka bërë thirrje partive politike që të dorëzojnë sa më parë raportet ndryshe do përballen më gjoba nga 50.000-100.000 lekë.
Në media është publikuar dhe fakti se këto raporte nuk janë shumë transparente megjithëse dorëzohën në KQZ. Rasti i partisë demokratike është i pa precedentë sepse ka bërë një lobim që ka kushtuar me mbi 600 mijë euro në SHBA, dhe në raport ka shkuar se janë shpenzuar vetëm 25 mijë euro.
“Komisioni Qendror i Zgjedhjeve është i vendosur të respektojë ligjin, ndaj ju kujtojmë se afati për dorëzimin e raporteve financiare është data 31 mars 2018 dhe shkelja e afatit të dorëzimit të raportit financiar në kohën e duhur apo paraqitja e tyre në shkelje të formateve të standardizuara, të miratuara nga KQZ, në zbatim të nenit 23/4 të ligjit “Për partitë politike”, dënohet me gjobë nga 50.000-100.000 lekë”, thuhet në njoftimin e KQZ.
Gjithashtu KQZ ftoi ekspertët kontabël të licencuar që të shprehin interesin e tyre pranë KQZ-së, për auditimin e fondeve të përfituara dhe shpenzuara nga partitë politike gjatë vitit kalendarik 2017.
