Ditën e sotme Partia Socialiste është në zi. Kryetarja e FRESSH-it në Njësinë nr.6 në Tiranë Rajselda Hamza është ndarë nga jeta në një moshë shumë të re. Lajmin e trishtë e kanë bërë me dije kolegët dhe miqtë e të ndjerës në rrjetet sociale, ku shprehin ngushëllimet për humbjen e saj.
Mes mesazheve të shumta nuk ka munguar dhe ai i deputetit të Partisë Socialiste, Eljo Hysko, i cili shkruan se nuk e beson ende që Hamza ka ikur nga kjo botë.
“Ende nuk e besoj dot që kjo është e vërtetë. U largove shumë herët e mira Rajs. Paqja qoftë me ty”, shkruan deputeti. Ende nuk dihet arsyeja se përse aktivistja socialiste u nda nga jeta.
