Një situatë e tensionuar ka qënë sot në Kuvend. Deputeti Adriatik Alimadhi është përfshirë në një debat të ashpër me “komunistë dhe ballistë” me kryeparlamentarin Gramoz Ruçi.
Teksa po fliste për procedurë për rezolutën e integrimit, Alimadhi i ndezi edhe më tej gjakrat, kur tha se “partia kriminale komuniste, sot PS, nuk mund të japë ide dhe as të na përfaqësojë”.
Ky ishte shkaku që kryeparlamentari Gramoz Ruçi të mos e mendonte dy herë, por menjëherë ti ndërpriste fjalën deputetit. Pas disa replikave, e përjashtoi edhe nga seanca.
Pjesë nga debati
Adriatik Alimadhi: Nuk mendoj se ish partia e Punës, partia kriminale komuniste, sot PS, të na përfaqësojë dhe të na japë ide.
Ruçi: Ku është procedura? Koleg ulu. Ulu nuk ke replikë. Ulu, je në kundërshtim me rregulloren. Ulu se të kam hequr fjalën. Jemi ndarë me komunist dhe ballistë që në vitin 1944.
Alimadhi: Po flas për procedurë. Këtu për 30 vjet ka patur njerëz që kanë mbajtur fjalime të ndryshme.
Ruçi: Ulu, ulu poshtë. Ke bllokuar foltoren, po të tërheq vëmendjen. Jam i lumtur me identitetin tim, por duhet të jesh fatkeq për identitetin tënd. Do të përjashtoj nga seanca!
