Partia e Lirisë ka prezantuar kryetarin e saj si Ilir Metaj, me mbiemrin e parë të ish-presidentit. Në njoftimin e publikuar nga zyra e shtypit ku njoftohet një dalje e kreut të PL-së për mediat, shihet se gjeneralitet e Ilir Metës kanë ndryshuar.
Gjatë rrugëtimit të tij politik, ish-presidenti është njohur si Ilir Meta dhe jo Metaj (me J) siç e ka të regjistruar në gjendje civile.
Në njoftimin e publikuar nga zyra e shtypit ku njoftohet një dalje e kreut të PL-së për mediat, shihet se gjeneralitet e ish-kreut të shtetit janë ndryshe nga ç’është njohur gjatë gjithë karrierës së tij politike.
Më herët, ai mohoi në mënyrë kategorike që të ketë qenë spiun i Sigurimit të Shtetit, duke akuzuar Autoritetin e Dosjeve se ka manipuluar dokumente.
Dy ditë më parë, kreu i Partisë së Lirisë Ilir Meta deklaroi se Autoriteti i Dosjeve është vetëm një portal shtesë i Edi Ramës.
Duke folur për çështjen e përfshirjes së emrit të tij nga Autoriteti, i cili tha së fundmi se është i hapur për të bashkëpunuar, Meta deklaroi se do të merren me avokatin e tij. Ai theksoi se për të nuk ka dosje, por se e gjithë kjo është bërë për shkak të frikës që kanë para zgjedhjeve.
