Deputeti i zgjedhur i Partisë Demokratike, Ervin Salianji i ka cilësuar si reagime emocionale, akuzat e rivalëve të kryedemorkatit Lulzim Basha, për parregullsi në zgjedhjet e 13 qershorit. Deklarata e Salianjit u bë mbrëmjen e sotme në emisionin ”Open” në Top Channel.
Sipas tij, kundërshtarët e Bashës që kandiduan për kreun e partisë, nuk kanë asnjë fakt dhe asnjë provë konkrete në lidhje me deklarimet e tyre.
Ervin Salianji: ”Nuk besoj që e komprementon, kontestimet janë në një moment emocional të përfshirjes së tyre në ethet e gars. Nuk kanë asnjë fakt dhe asnjë provë konkrete në lidhje me deklarimet e tyre. Kanë menduar që një pjesë e tyre mund të jetë e stisur nga kundërshtari politik.
Unë kam bërë fushatë në Korçë dhe në një pjesë të madhe njerëzit që kanë qenë aktivë në fushatë nuk e kanë pasur emrin për shkak të problematikave që vjen nga grup seksionet e PD për shkak të hedhjeve të numrave në system. Nuk ka si të bëhet në mënyrë të ligjshme”.
Demokratët votuan Lulzim Bashën për të udhëhequr PD-në edhe për 4 vitet e ardhshme. Basha është më i votuari ndër 3 kandidatët e tjerë që e sfiduan për të drejtuar partinë më të madhe në opozitë. Ai ka siguruar mandatin e tretë në krye të partisë së dytë më të madhe në vend, me rreth 81% të votave.
Basha mori 81% të votave ose 32.882 në total në të gjithë vendin. Pas tij më shumë vota grumbulloi Agron Shehaj, 6038 vota. Edit Harxhi mori 991 vota, ndërsa Fatbardh Kadilli 763 vota. Në total në të gjithë degët e PD-së votuan 41.095 anëtare ose 54.7% e totalit.
