Dita e sotme ka qenë një nga ditët më të tensionuara të shënuara në historinë e Kuvendit shqiptar.
Disa qytetarë, një polic dhe deputetja Floida Kërpaçi e LSI-së u lënduan, ndërsa u hodh tymuese brenda Kuvendit.
Por, duket se Ambasada Amerikane ka një tjetër hall: gjetjen e këngës për Vitin e Ri. Kështu, teksa parlamenti “digjej”, ambasada amerikane në Tiranë shpërndante një video të vjetshme, ku duket ambasadori Lu duke kënduar, ndërsa kërkon ndihmën e qytetarëve për të krijuar një tjetër këngë.
“Ju kujtohet kënga jonë e vjetshme “Ja na erdhi Viti i Ri? Po mendojmë për një tjetër këngë dhe duam sygjerimet tuaja. Çfarë kënge duhet të këndojmë këtë vit?”, shkruan ambasada në Facebook.
Ndërkohë, edhe në faqen e saj zyrtare nuk ka asnjë reagim për sa i përket situatës kaotike të sotshme, por vetëm disa sugjerime për shtetasit amerikanë, të cilët i sugjeronte që të shmangnin protestën.
