Një makinë ka përplasur një patrullë ushtarake në një lagje të Parisit, si pasojë gjashtë ushtarë janë plagosur, dy prej tyre janë në gjendje kritike për jetën.
Policia e Francës tha se incidenti ka ndodhur në orën 8 të mëngjesit në lagjen, Levallois-Perret, të Parisit dhe se shoferi i makinës është larguar nga vendi i ngjarjes.
Patrick Balkany, kryetar i kësaj lagjeje, tha se vetura e tipit BMW e ka qëlluar grupin e ushtarëve dhe nuk ka dyshim se “ky ishte akt i qëllimshëm”.
Prej nëntorit të vitit 2015, kur sulmuesit në Paris i kanë vrarë 130 vetë, Franca është në gjendje të jashtëzakonshme.
Në këtë vend ka ndodhur një seri e sulmeve kundër forcave të sigurisë, e veçanërisht në vendet kryesore turistike.
