Ish-kryeministri Sali Berisha ka përfituar nga ngërçi që po krijohet për postin e Ministrit të Brendshëm, duke vënë me shpatulla pas murit kryeministrin Rama. Në mesazhin e radhës në Facebook, ai ka gjetur kohë që të tallet me Ramën, duke mos kursyer ironinë therëse.
Berisha shkruan se dy ditë më parë, ishte Rama që nuk lejoi Sandër Lleshin që të shkojë në Presidencë. Ndërkohë që sot Edi Rama shkoi vetë atje, me bisht nën shalë. Ish-kryeministri ka marrë spunto nga mediat, duke argumentuar se urdhëri i Ramës shkoi dëm, ku do të paraqiste Lleshin tek Meta pasi ta dekretonin.
