Moderatorja Roza Lati ka mbështetur publikisht Albërije Hadërgjonajn, e cila pak ditë më parë ka shpërthyer ndaj “Arkiva Shqip”. Një video e saj gjatë një interviste në “Abc News” është bllokuar nga “Arkiva Shqip”. Lidhur me këtë akt, Roza ka reaguar ashpër ndaj kompanisë muzikore.
“S’ka faj @alberije_hadergjonaj qe ju degjeneroi publikisht. S’keni guxuar as te me pergjigjeni ne email. Parazita gjakpires”, shkruan ajo bashkëngjitur videos së postuar në Instagram.
Pak ditë më parë, këngëtarja e njohur, Albërije Hadërgjonaj, ka debatuar ashpër me përfaqësuesit e kanalit të njohur në Youtube, “Arkiva Shqip”, pas prishjes së kontratës me këta të fundit.
Në studion e emisionit “Ftesë në Pesë”, Hadërgjonaj akuzoi “Arkiva Shqip” se i kanë fshirë historikun e punës së saj, ndërsa kanali në Youtube akuzon këngëtaren se i ka shantazhuar që këngët e saj të jenë edhe në këtë platformë edhe në kanalin e saj personal.
