Kryetarja e LSI-së, Monika Kryemadhi, ka sjellë në fokus akuzën se paratë e inceneratorëve kanë ardhur nga Malta, dhe janë përdorur në zgjedhjet e 25 prillit. Në një deklaratë për mediat, Kryemadhi thotë se këto para janë përdorur për të blerë vota masivisht në qarkun e Durrësit. Në një deklaratë të jashtëzakonshme për mediat, Kryemadhi u shpreh se në ecurinë e inceneratorëve, ka kontrata të cilat janë jashtë fushës. Ajo paralajmëron se do të publikojë së shpejti dosjen për këto akuza.
“Kjo që po ndodh sot me hetimet e incenernatorëve është meritë e LSI-së në lidhje me dosjet që ka dorëzuar në SPAK.
U tentua me Komisionin të varroste të vërtetat e kësaj afere, por garantoj që kjo aferë nuk do të shuhet, por do ta çojmë deri në fund.
Kjo çështje është grup i strukturuar kriminal, sepse nëpërmjet parave janë kapur elementet më të rëndësishme të jetës politike shqiptare. Në fakt tani dosja është në SPAK dhe çdo ecuri e kësaj çështje do ndiqet”,u shpreh ajo.
“Kujtoj që para 1 viti kam denoncuar që do të vinin nga Malta para për tu përdorur në zgjedhjet e 25 prillit të vitit të kaluar. Shumë shpejt do të njiheni edhe me këtë fakt”, ka thënë më tej Kryemadhi.
