Territori sot mbetet me vranësira dhe shira deri mesatare gjatë orëve të para të ditës. Pas mesditës, gradualisht shfaqen kthjellime në Ultësirën Perëndimore, të cilat deri në mbrëmje shtrihen thuajse në gjithë vendin. Temperaturat e ajrit ulen me 2 gradë celcius në të dy ekstremumet termike ditore duke luhatur vlerat e tyre nga 2 në 20 gradë. Era do fryjë mesatare deri e fortë, me shpejtësi 50 km/h nga Perëndimi, ndërsa do vijojë në det dallgëzimi 3 ballë.
Por, si do të jetë moti gjatë këtij muaji?
Duket se pranvera do ‘harrojë’ të vijë, teksa parashikimet thonë se vendi do përfshihet nga një tjetër valë i ftohti.
Meteorologët italianë shprehen se Mesdheu mund të përfshihet nga një valë tjetër dëbore dhe temperaturash nën zero gradë celcius duke filluar që nga data 20 mars.
Sipas tyre, rrymat e ajrit me trysni të lartë të orientuara në drejtimin e meridianëve favorizojnë rikthimin e mundshëm të një vale acari nga Rusia brenda këtij muaji.
Megjithatë, duhet ende të presim që të kalojnë disa ditë për të dhënë një parashikim më të saktë.
