Edhe dita e sotme do të dominohet nga një mot i ftohtë me temperatura të ulëta.
Në zonat Jugore dhe pjesërisht në qendër, pjesa e parë e ditës do të mbetet me kthjellime, ndërsa vranësira kalimtare do të ketë në veri të vendit.
Sipas parashikimit të Meteoalb, vranësirat do të shtohen gjatë pasdites në veri dhe gradualisht zbresin drejt zonave Qendrore dhe Jugore duke bërë që territori të dominohet nga kthjellime të shkurtra dhe vranësira të shpeshta.
Temperaturat e ajrit do të rriten me 1–2°C në të dy ekstremumet ditore, duke bërë që vlerat e tyre të luhaten nga –3°C në 14 apo 15°C.
Era do të fryjë e lehtë deri mesatare, me shpejtësi 28 km/h nga drejtimi Perëndimor duke gjeneruar në det dallgëzim 2- 3 ballë.
