Ditën e sotme i gjithë vendi do të dominohet nga vranësirat, ndërsa në zonat qendrore dhe veriore do të ketë reshje shiu.
Prandaj, bëni mirë që sot të mos dilni nga shtëpia pa çadër, madje reshjet mund të bëhen më intensive gjatë natës, ku parashikohet të ketë shira në pjesën më të madhe të vendit.
Temperaturat do të ulen, ndërsa të shtunën parashikohet të ketë reshje bore në zonat e thella maloren veri-verilindje.
Parashikimi për sot nga Meteoalb:
Zonat veriore dhe qendrore paraqiten me kthjellime dhe vranësira të shpeshta, por mot kryesisht i kthjellët dominon Jugun. Vranësirat shtohen gradualisht duke sjellë shira të dobët në veri dhe qendër. Pjesa e dytë e ditës vijon me vranësira e shira të dobët deri në mbrëmje, kur shira të dendur përfshijnë zonat veriperëndimore dhe qendrore. Gjatë natës, shirat shtrihen në pjesën më të madhe të vendit por pas mesnatës dhe orët e para të së shtunës reshje dëbore shfaqen në zonat e thella malore në veri – verilindje.
Temperaturat e ajrit do të ulen lehtë në mëngjes, por një rënie më e ndjeshme do të shënohet në vlerat termike të mesditës.
