Kthjellime të shkurtra dhe vranësira të shpeshta do të dominojnë në paraditen e sotme, të cilat do të gjenerojnë rrebeshe shiu në Veriperëndim dhe Jugperëndim, por reshje të përkohshme në pjesën tjetër të vendit.
Ndërkohë, në mesditë pritet fuqizim i përkohshëm i shirave në të gjithë vendin. Këto shira do të vijojnë deri në mbrëmje, kur reshjet lokalizohen kryesisht në ekstremet Veriore dhe Jugore duke vijuar edhe gjatë natës.
Temperaturat e ajrit, sipas parashikimit të MeteoAlb ajrit sjellin një rënie të lehtë gjatë mëngjesit dhe një rënie 3- 4°C do të pësojnë vlerat termike të mesditës, kryesisht në zonat Veriore dhe Lindore të vendit.
Era do të fryjë kryesisht mesatare, me shpejtësi deri 40 km/h nga drejtimi Jugor dhe Juglindor ndërsa në det do të gjenerohet dallgëzim 3 – 4 ballë.
