Ishte 12 qershor dhe Kupa e Botës akoma nuk kishte startuar, kur Eden Hazard bën parashikimin e tij për Botërorin dhe e ndanë me fansat e tij në “Instagram”. Bëhet fjalë për një lojë, një aplikacion, nëpërmjet të cilit mund të parashikoje ecurinë e Kupës së Botës. Numri 10 i Chelsea ka parashikuar kombëtaren e tij në finale, duke qëlluar në shenjë edhe ekipet që do të përballet në çerekfinale e gjysmëfinale.
Shumë përballje i ka gjetur me përpikmëri, por edhe ka gabuar në disa, pasi kujt do t’ia merrte mendja që Gjermania dhe Argjentina do të iknin aq shpejt. Kapiteni i belgëve ka nënvlerësuar Kroacinë, e cila tashmë është në gjysmëfinale, për Hazard kroatët nuk do të kalonin fare fazën e grupeve. Ndërsa ka parashikuar edhe çerekfinalen ku do të përballeshin me Brazilin dhe do ta eliminonin.
Në gjysmëfinale Hazard ka parashikuar pikërisht përballjen Francë-Belgjikë dhe fituesit do të jenë belgët. Duke i njohur më mirë se kushdo cilësitë e “Tre Luanëve”. Edhe pse ka mbivlerësuar ecurinë e Argjentinës dhe Gjermanisë, ka parashikuar arritjen në finale të anglezëve. Një finale plotësisht e mundshme, pasi të dy ekipet ndodhen në gjysmëfinale tashmë, të cilat do të luhen në datë 10-11 korrik. Finalja e madhe sipas Hazard është Belgjikë-Angli dhe fituesit do të jenë belgët.
