Mot i vranët dhe intervale kthjellimesh do të dominojnë në vend. Vranësirat paraqiten më të dendura në zonat Veriore dhe Jugore.
Ndërkohë, pasditja dhe orët e mbrëmjes dominohen nga alternime kthjellimesh dhe vranësirash të shpeshta në Ultësirën Perëndimore por vranësira dhe shira do të ketë në skajin verior dhe jugor.
Temperaturat e ajrit mbeten të pandryshuara në vlerat e mëngjesit, por rriten lehtë në mesditë duke bërë që vlerat ditore të luhaten nga 0°C deri në 17°C.
Era do të fryjë mesatare në tokë deri e fortë në det, me shpejtësi 45-50 km/h nga drejtimi jugor duke krijuar në det dallgëzim mbi 4 ballë.
