Rreth orës 02 të mëngjesit, kryedemokrati Basha, ish deputetët e tij, dhe kryetarja e LSI-së, Monika Kryemadhi, shkuan në spitalin e Traumës për të parë gjendjen e Sait Dollapit.
Basha tha se Sait Dollapi, sekretari organizativ i PD-së ndodhet në gjendje të stabilizuar, por theksoi se ai nuk ka bërë asnjë akt dhune ndaj policisë që të shoqërohej.
“Ka nxjerrë shpatullën, ka plagosje në këmbë. Ka qenë duke tërhequr një gazetare që i kishte rënë të fikët kur ju vërsulën. Arben Baro është urdhëruesi i fundit, do të shkojmë deri tek urdhëruesi i parë.
Do ta paguajnë shumë shtrenjtë. Saiti ka qenë gjithmonë me duart lart para policëve për t’i mbrojtur. Nuk ka pasur arsye tjetër, vetëm me urdhër politik. Ka afro 100 të tjerë të shoqëruar dhe të dhunuar, në 11:00 para Drejtorisë së Policisë”, tha më tej ai.
