Ditën e sotme, Ambasada e SHBA-së në Tiranë me anë të një video në facebook, ka theksuar angazhimin e saj me institucionet shqiptare të drejtësisë dhe policisë. Gjithashtu, ka paralajmëruar se do të ketë hetuesë të posaçëm për të ndjekur ngjarjet kriminale, sidomos për rastet e përftimit me anë të mashtrimit dhe dokumentacionave.
Mesazhi i Ambasades se SHBA
“Qeveria e Shteteve të Bashkuara është e përkushtuar në luftën kundër korrupsionit dhe respektimin e sundimit të ligjit në mbarë botën. Lufta kundër korrupsionit është prioritet i punës së Ambasadës së Shteteve të Bashkuara në Tiranë. Çdo javë do të nënvizojmë një nismë që kemi ndërmarrë për të luftuar korrupsionin në Shqipëri. Këtë javë, mësoni se si Ambasada e Shteteve të Bashkuara, nëpërmjet agjentëve dhe hetuesve të posaçëm, në bashkëpunim me Policia e Shtetit dhe prokurorët, punon për të gjurmuar dhe shkurajuar mashtrimin me anë të dokumenteve dhe për të sjellë përpara drejtësisë kriminelët përgjegjës për prodhimin, përhapjen dhe blerjen e tyre”.
#ShqiperiaLuftonKorrupsionin #NdalKorrupsionit
