Ja çfarë ka ndodhur së fundmi në Afganistan, ndërsa forcat e huaja përfundojnë operacionet e tyre të evakuimit në aeroportin e Kabulit.
1- Ushtria amerikane thotë se beson se ka vrarë një planifikues për degën afgane të grupit Shteti Islamik, në një sulm me dron në lindje të vendit.
2- IS-K kishte thënë se qëndronte pas sulmit vdekjeprurës me bombë të enjten në aeroportin e Kabulit, i cili vrau 170 persona.
3- SHBA thotë se evakuimet do të vazhdojnë me një “ritëm shumë të shpejtë” deri në një afat 31 gusht të rënë dakord me talebanët, të cilët tani kontrollojnë vendin.
Por ajo ka lëshuar një paralajmërim të ri për qytetarët amerikanë, që të qëndrojnë larg portave të aeroportit mes kërcënimeve “të besueshme” për sulme të mëtejshme.
4- Mbretëria e Bashkuar tani është duke u përqëndruar në largimet ushtarake dhe diplomatike, dhe thotë se nuk do të procedohen më njerëz për largim.
Por ajo thotë se do të përdorë “çdo mundësi” për të ndihmuar 800 deri në 1.100 afganë të kualifikuar dhe 100 deri në 150 britanikë që ende nuk janë evakuuar.
5- Zyrtarët talebanë thonë se kanë marrë kontrollin e pjesëve të aeroportit, SHBA kundërpërgjigjet se forcat e saj janë ende në krye.
Burimi i lajmit: BBC. Përshtatur nga Tirana Today
