Organizata Botërore e Shëndetit, ka rekomanduar kufizimin e alkoolit gjatë pandemisë së koronavirusit. Kjo këshillë vlen për këdo që e kalon masën, pasi mund të shkaktojë “cënueshmëri shëndetësore, sjellje të marrjes së rrezikut, çështje të shëndetit mendor dhe dhunë”. Por jo vetëm kaq, pasi sipas OBSH, pirja e alkoolit mund të rrisë shanset për t’u infektuar me koronavirusin vdekjeprurës.
Njerëzit nuk duhet të gënjejnë veten se pirja mund ti mbrojë nga koronavirusi. Në fakt është krejt e kundërta, mund t’i bëjë më të prekshëm ndaj tij.
Sipas raportit të OBSH-së të botuar dje: “Alkooli komprometon sistemin imunitar të trupit, dhe rrit rrezikun e rezultateve të pafavorshme shëndetësore”.
Ndaj njerëzit duhet të minimizojnë konsumin e tyre të alkoolit në çdo kohë, dhe veçanërisht gjatë pandemisë Covid-19.
Menaxherja e Programit të OBSH për Alkoolin dhe Drogat e Paligjshme, Carina Ferreira-Borges, tha se konsumi i lartë i alkoolit në Evropë, mund të rrezikojë për më “shumë viktima”.
