Deputeti i LSI-së, Luan Rama ka dhënë alarmin, teksa thotë se institucionet e luftës kundër krimit janë në kaos, në pasiguri dhe të kapura nga presioni.
Më tej, deputeti shkruan në një postim në Facebook se alarmin mbi gjendjen aktuale e ka dhënë edhe CIA, e cila e konsideron Shqipërinë një rrugë kalimi për kokainën dhe opiumin, e lidhur me trafikimin edhe të armëve dhe aktivitete të tjera të paligjshme.
Reagimi i Ramës:
Paradoks: kur qeveria, tepsia dhe krimi bëhen një:
Prokuroria e Republikës pa Prokuror të Përgjithshëm;
Sherbimi Informativ i Shtetit pa Drejtor të Përgjithshëm;
Policia e Shtetit pa Drejtor të Përgjithshëm!
Institucionet e luftës kundër krimit në kaos, në pasiguri, të kapura e nën presion, krimi rritet, forcohet, qeveris!
CIA jep alarmin: Shqipëria rrugë kalimi për kokainën dhe opiumin, është rritur e zgjeruar prodhimi i kanabisit, ka pastrim të lartë të parave, të lidhura me trafikimin e lëndëve narkotike, armëve, apo aktivitete të tjetra të paligjshme të kryera nga zyrtarët dhe kriminelët!
