Ish-deputetja e Lëvizjes Socialiste për Integrim, Nora Malaj ka reaguar pas propozimit të Metës për zgjidhjen e krizës politike, por këtë herë duke iu përgjigjur Elisa Spiropalit, që sulmoi Presidentin.
Ajo i ka dedikuar një status ish-nxënëses së saj, Elisa Spiropalit, e cila i kujton se i ka ikur mundi dëm, pasi ka fyer Metën. Me një gjuhë të përzgjedhur, Malaj i vë në dukje Spiropalit se e ka mësuar që fjala është e shenjtë, dhe nuk duhet keqpërdorur.
Statusi
Nje këshillë për ish-nxënësen time Elisa!(Spiropali)
Elisa,
si mësuesja jote, që në adoleshencën tende të kam përkrahur dhe promovuar, teksa të dëgjoj të fyesh dhe të dalësh jashtë etikës dhe qytetarisë, veçanërisht figurën e Presidentit të vendit tënd, të votuar dhe zgjedhur nga Partia që ti përfaqëson dhe që çdo shqiptar e bënë të ndjehet krenar, më bën të ndihem keq, që më paska ikur mundi dëm. Por, të kujtoj një thënie të mençur të popullit tonë: “Para të madhit e prapa kalit (qoftë edhe ai i Skënderbeut) mos qëndro“!
Kujdes, se gjuha kocka nuk ka, por kocka thyen. Unë të kam mësuar që fjala është e shenjtë dhe nuk duhet keq përdorur, aq më tepër kur bëhet sharëse e fyese dhe përdoret në gojën e një zonje, nëne dhe ministreje, të bënë të ndjesh dhimbje. Mos merr modelet që të shpërfytyrojnë, por modelet që të nderojnë. Jeta është e gjatë, por duhet jetuar me dinjitet, jo me gjuhën e rrugës dhe rrugaçërisë. Kjo ishte një këshille për ty, pas kësaj maskarade zgjedhore, ku çdo politikan i pozitës dhe opozitës duhet të ndjej përgjegjēsi.
