“Meteoalb” njofton se sot do të rikthehen vranësirat dhe temperaturat e ulëta në vend. Gjatë orëve të para të ditës do të kemi kthjellime dhe vranësira kalimtare të cilat do të jenë më të theksuara në zonat malore.
Vranësirat do të shtohen gjatë mesditës dhe pasdites kryesisht në zonën juglindore. Gjithashtu do të ketë rrebeshe shiu afatshkurtra. Gjatë mbrëmjes, do të kemi përmirësim gradual të kushteve atmosferike. Gjatë ditës, temperaturat do të arrijnë nga 7 deri në 27 gradë celsius.
