Jamal Khashoggi është gazetari u masakrua më 2 tetor në konsullatën e Arabisë Saudite në Stamboll. Ai la pas katër fëmijë, të cilët tashmë kanë përfituar shtëpi multimilion dollarësh dhe paguhen me mijëra dollarë në muaj nga shteti saudit.
Katër fëmijët e tij (dy djem dhe dy vajza) u është dhënë secilit nga një shtëpi në Jeddah me vlerë deri në 4 milion dollarë secila.
Ata gjithashtu marrin pagesa prej së paku 10,000 $ në muaj me një pagesë shtesë që arrin dhjetëra miliona dollarë secili.
Pagesat “kanë për qëllim pjesërisht të sigurojnë që fëmijët të tregojnë përmbajtje në deklaratat e tyre publike”, raportoi Washington Post, pasi bisedoi me zyrtarët sauditë të përfshirë në negociata.
Shtëpitë janë të vendosura brenda një kompleksi në Jeddah, me pronën më të madhe që i është dhënë djalit të madh Salah (në foto poshtë), i cili është i vetmi fëmijë që ka jetuar tërë jetën në Arabinë Saudite.
Tre fëmijët e tjerë – vajzat Noha dhe Razan, dhe i biri Abdullah – jetojnë në Shtetet e Bashkuara dhe pritet të shesin pronat e tyre.
Por, Arabia Saudite mohoi që pagesat jepeshin si “para gjaku” dhe që synonin blerjen e heshtjes së familjes, duke thënë se pagesat ishin thjesht pjesë e kulturës arabe.
