Papa Françesku i ka bërë thirrje politikanëve anembanë botës që të mundohen për të mirën e vendit dhe jo të partive të tyre.
Papa iu bëri apel politikanëve që të lënë mënjanë dallimet dhe të luftojnë bashkarisht koronavirusin.
“Ne lutemi për partitë politike të vendeve të ndryshme, në mënyrë që në këtë kohë të pandemisë, ata së bashku të kërkojnë të mirën e vendit dhe jo të mirën e partisë së tyre”, u shpreh ai.
Ati i Shenjtë nuk përmendi ndonjë vend apo personalitet politik në veçanti.
Kujtojmë se prej fillimit të krizës shëndetësore, Papa ka bërë thirrje të njëpasnjëshme për bashkim dhe për shmangien e indiferencës.
