Orët e ardhshme pritet të jenë tepër deçizive për stolin e kombëtares shqiptare. Edi Reja duket në vend të parë për të marrë vendin e Christian Panuccit. Së fundmit, trajneri italian ka pranuar se ka zhvilluar një tjetër bisedim me drejtuesit e FSHF-së.
Ai thotë se u ka kërkuar 24 orë kohë për të vendosur. Madje, Reja tregon se çdo gjë do të varet nga rezultati i sotëm i Shqipërisë.
“Ditën e djeshme fola me përfaqësues të Federatës Shqiptare të Futbollit. U kërkova 24 orë kohë për të vendosur. Çdo gjë do të varet nga ajo që do të bëjë sonte përfaqësuesja kundër Andorrës.” – është shprehur Reja për “Citaceleste”. Ndërkohë ndëshkimin e Panuccit për të lënë Strakoshën jashtë sfidës me Turqinë, Reja e ka konsideruar shumë të tepruar.
