Eksperti i lartë në SHBA, Michael Herschel Greger ka paralajmëruar se pandemia tjetër globale mund të jetë 100 herë më e keqe se shpërthimi i koronavirusit.
Sipas tij, edhe pse disa vende po e kalojnë kulmin e krizës së koronavirusit, më e keqja mund të mos ketë mbërritur akoma.
Eksperti thotë se fermat e mbipopulluara të shpendëve, ku pulat mbahen afër kontaktit me njëra-tjetrën, mund të shkaktojë pandeminë tjetër, raporton “The Sun”.
Greger beson se një pandemi tjetër vdekjeprurëse, mbase “100 herë më agresive kur të vijë”, mund të ketë një shkallë fataliteti një në dy.
Sipas tij, mbajtja e pulave në hapësira shumë të ngushta mund të kthehet në një mjedis ideal për sëmundjet virale, siç është gripi i shpendëve.
“Nëse doni të krijoni pandemi katastrofike, atëherë ndërtoni ferma të tilla. Kur ju mbani mijëra kafshë apo shpendë të stresuar në mënyrë kronike, në ambiente të mbyllura, të ndryrë e të ngjitur me njëri-tjetrin, keni krijuar ambientin e përsosur për krijimin e një virusi vdekjeprurës”, tha ai.
