Sot është regjistruar një tjetër ditë e zezë për Kosovën, si pasojë e pandemisë.
IKSHP-ja njofton se gjatë 24 orëve të fundit, kanë ndërruar jetë 16 persona ndërsa janë konfirmuar 196 raste të reja me koronavirus.
Rezultatet janë në bazë të 475 testimeve.
Të shëruar janë konstatuar 134 pacientë.
Që nga muaji mars, në Kosovë janë infektuar 9.688 persona, prej tyre 5.480 janë shëruar, ndërkaq raste aktive janë 3.908.
Më herët, Akademia e Shkencave dhe e Arteve e Kosovës, përmes një reagimi për media, ka kritikuar klasën politike në Kosovë për menaxhim të dobët të pandemisë.
