Mjeku Pëllumb Pipero është kthyer në një personazh në përditshmërinë tonë, si pasojë e këshillave për COVID-19. Dalja e tij e shpeshtë në ekran, krijon edhe hamendësime të shumta nëse mjeku do ketë patur për rrjedhojë edhe rritje rroge.
Në emisionin “360gradë” nga Artur Zheji në RTV Ora, aktori Rezart Veleshnja e ka ngacmuar mjekun Pëllumb Pipero, nëse ka pasur ndonjë rritje rroge pas situatës së pandemisë.
Veleshnja: Pas kësaj pandemie, ju keni qenë faktori kryesor se hapnim televizorin dhe mezi prisnim të shihnim një këshillë, se vërtetë u frikësuam. Më thuaj, ta kanë rritur ndonjë çikë rrogën?
Pipero: Morëm shpërblim, kemi marrë bonus.
Veleshnja: More një shpërblim? Epo të rroftë që dole në TV, po të paktën u bëre i njohur.
