Rritja e lartë e numrit të të infektuarve me Covid-19 po vendos në vështirësi sistemin shëndetësor në Greqi.
Këmbana e alarmit bie nga drejtuesit e Klinikave të Spitalit “Papanikolaou”, të cilët përmes një njoftimi me shkrim shprehen se spitali nuk mund të trajtojë raste të reja, pasi shtretërit janë të mbuluar 100%.
Ndër të tjera, stafet mjekësore flasin edhe për mungesë mjekësh dhe specialistësh.
“Spitali ynë nuk mund të pranojë më pacientë të tjerë me Covid. Kujdesi për pacientët është i pasigurtë kur, për shembull, një okulist ose kirurg plastik thirret për të vlerësuar ose për të dëgjuar mushkëritë e një pacienti”, thuhet ndër të tjera në shkresë, raportojnë mediat vendase.
Drejtorët e klinikave rekomandojnë urdhërimin e menjëhershëm të klinikave private dhe mjekëve privatë që ti bashkohen luftës anti-Covid.
