Një punonjës i Qendrës Kombëtare të Urgjencës Mjekësore, ka humbur betejën me COVID-19. Lajmin e ndarjes nga jeta të Artur Ndreut e ka bërë me dije Qendra Kombëtare e Urgjencës Mjekësore, e cila shkruan se ishte dhënës i ndihmës së parë, shofer ambulance dhe njeri i dedikuar në shërbimin e urgjencës paraspitalore të Tiranës.
Njoftimi
QKUM shpreh ngushellime familjes dhe te afermeve.
Artur Ndreu, i palodhur dhe kudo ndodhur! Arturi dhenes i ndihmes se pare, shofer ambulance dhe njeri i dedikuar ne sherbimin e urgjences paraspitalore te Tiranes. Fatkeqesisht u nda nga jeta ne menyre te pa pritur. Do ti mungosh familjes, pacienteve, kolegeve, urgjences, miqve dhe shokve.
Lamtumire Artur, te qofte dheu i lehte!
Ndreu, shofer i një prej makinave të Urgjencës ishte infektuar me COVID-19, dhe kishte marrë pushim për tu vetë-karantinuar në shtëpi, raporton “Dosja.al”. Por, siç bëjnë me dije burime të afërta me të ndjerin, ai kishte dalë për xhiro tek Liqeni, ku i ka rënë të fikët. Qytetarët që e kanë parë Ndreun, kanë thirrur për ndihmë numrin e urgjencës 127, dhe për ndihmë është dërguar një autoambulancë e vjetër, pa asnjë mjekë dhe aparaturë. E vetmja ndihmë e parë që iu dha vetë-dhënësit të ndihmës së parë, ishte oksigjeni, por i pamjaftueshëm.
