Nisur nga shtimi i numrave të të infektuarve dhe të vdekurve si pasojë e COVID-19, presidenti Meta ka kërkuar një strategji të re për përballimin e situatës.
Teksa apeloi për reflektim serioz, kreu i shtetit po kështu iu drejtua qytetarëve për respektimin e protokolleve shëndetësore dhe masat parandaluese.
Meta tha se mbetet me rëndësi një komunikim me vendet fqinje, për të harmonizuar veprimet me qëllim që të dalim sa më të sigurt nga kjo situatë.
“Shtimi i rasteve të të prekurve, kërkon një reflektim serioz dhe të përgjegjshëm nga të gjithë. Është e domosdoshme një stategji konkrete dhe me protokolle të mirëpërcaktuara.
Gjithashtu është i domosdoshëm një komunikim me vendet fqinje, për të harmonizuar veprimet, me qëllim që të dalim sa më të sigurt nga kjo situatë. Shpreh ngushëllimet atyre që kanë humbur njerëzit e dashur, theksoj respektimin e masave”, tha Meta.
