SHBA e ka kritikuar shpesh Kinën se ka reaguar ngadalë ndaj pandemisë së koronavirusit të ri.
Li Bin, zëvendësdrejtor i Komisionit Kombëtar të Shëndetit të Kinës, është shprehur se Kina do të bëjë reforma në sistemin e saj, për parandalimin dhe kontrollin e sëmundjeve.
“Epidemia e koronavirusit është test për aftësitë qeverisëse të shtetit tonë, dhe ka ekspozuar lidhjet e dobëta se si i qasemi epidemive dhe shëndetit publik”, tha për gazetarët Li Bin.
Sipas tij, ky komision dëshiron të ndërtojë një zinxhir “të centralizuar dhe efikas” të udhëheqjes dhe reformës, që të modernizojë sistemin e parandalimit dhe kontrollit të sëmundjeve.
Prej 24 ditësh, Kina nuk ka raportuar asnjë vdekje të re nga COVID-19. Kina e cila u gjunjëzua e para nga epidemia, tashmë e ka marrë në dorë situatën. Në kuadër të reformave, Kina po dëshiron që të përdorë më mirë të dhënat, inteligjencën artificiale. Kjo në mënyrë që të analizojë më mirë sëmundjen, të gjurmojë virusin që të jetë në gjendje të përgjigjet në mënyrë adekuate.
