Koronavirusi i ka marrë jetën gazetarit Artjan Tepelena. Gazetari dhe drejtor programacioni, është ndarë nga jeta mëngjesin e kësaj të shtune në moshën 58-vjeçare. Artjan Tepelena ka qenë prej ditësh i shtruar në një nga spitalet COVID në kryeqytet, por nuk ka mundur që të fitojë betejën me virusin.
Miq dhe të afërm të gazetarit kanë shprehur ngushëllimet në rrjetet sociale. Edhe vëllai i tij ka shkruar fjalët më të ndjera.
Artjan Tepelena ka qenë gazetar, kryeredaktor në TVSH, drejtor i lajmeve në TV Alba dhe së fundmi ishte pjesë e TVSCAN me një emision të tijin. Ai është vëllai i ambasadorit Ilir Tepelena.
