Ministri i Shëndetësisë në Greqi, Vassilis Kikilias, duke folur për ANT1 tha se vendi pritet që të mbyllet për 1 muaj.
Ai tha se kryeministri Mitsotakis dhe Qeveria pranuan sugjerimin përkatës të specialistëve të sëmundjeve infektive.
Sipas ministrit, bllokimi do të zgjasë një muaj, por nuk dha detaje. Ai vuri në dukje se sugjerimi i specialistëve të sëmundjeve infektive është mbyllja e shkollave të mesme dhe liceut në të gjithë vendin dhe mbajtja e shkollave fillore të hapura.
Ai gjithashtu theksoi se vendimi u mor pas një komunikimi që ai kishte me Komisionerin e Shëndetësisë Stella Kyriakidou dhe Drejtorin e Përgjithshëm të Qendrës Evropiane për Parandalimin dhe Kontrollin e Sëmundjeve (ECDC) Dr Andrea Ammon.
Në 24 orët e fundit, Greqia regjistroi 2,646 raste të reja dhe 18 viktima nga Covid-19.
