Kryeministri francez, Jean Castex deklaroi se Franca do të qëndrojë e izoluar edhe për 15 ditët e ardhshme.
Në një deklaratë për mediat, Castex tha se do të mbeten të hapura farmacitë dhe dyqanet thelbësore.
Duke folur në lidhje me shtimin e rasteve të reja, ai u shpreh se nëse shtrimet në spital vazhdojnë të rriten, autoritetet do të detyrohen të marrin masa të reja .
Castex informoi se shkollat, kolegjet dhe shkollat e mesme mbeten të hapura.
“Tani po regjistrojmë një shtrim të ri në spital çdo 30 sekonda dhe një pacient në kujdes intensiv çdo tre minuta. 40% e pacientëve janë nën moshën 65 vjeç.”– tha kryeministri.
Që prej fillimit të pandemisë në Francë janë regjistruar 42,960 viktima dhe 1,898,710 të infektuar, ndërsa në gjendje të rëndë për jetën janë 4,899 persona.
