Shqipëria u godit nga tërmeti i 26 nëntorit të vitit 2019 dhe nga pandemia Covid-19, duke e dëmtuar ekonominë e vendit.
Por, kryeministri Edi Rama thotë se do ta bëjë me të gjitha forcat luftën me Armikun e Padukshëm dhe dhe fronti i mbrojtjes në spitalet Covid do të jetë deri në fund.
Rama premton rindërtimin e shtëpive, kopshteve dhe spitaleve të dëmtuara nga tërmeti, të cilat sipas tij do bëhen në një kohë rekord.
Sipas Ramës, këto dy sfida të rënda mund të përballohet vetëm nga ai dhe PS, pasi më të mira se ta nuk ka.
Postimi i Ramës në rrjetin social, Facebook
Ne do ta bëjmë me të gjitha forcat luftën me Armikun e Padukshëm dhe fronti ynë i mbrojtjes në spitalet Covid do të jetë deri në fund, një shembëlltyrë e vendosmërisë, kurajos, profesionalizmit, pa asgjë mangut krahasuar me kushtet spitalore, kurat farmaceutike, shërbimin mjekësor në spitalet Covid të Europës!
Ne do t’i rindërtojmë një për një shtëpitë, apartamentet, shkollat, kopshtet, spitalet e qendrat shëndetësore të shembura nga tërmeti, në kohë rekord krahasuar me ecurinë e një procesi të tillë në vendet që janë përballur me këtë sfidë!
Dhe Shqipëria do të dalë më e fortë nga këto dy sfida të rënda, të cilat mund t’i përballojë e t’i fitojë vetëm kjo shumicë qeverisëse, sepse ne nuk jemi më të mirët dhe kemi patjetër të metat, gabimet, boshllëqet tona, po më të mirë se ne për Shqipërinë nuk ka!
