Belgjika ka vendosur masa të reja për ata që udhëtojnë drejt këtij shteti. Në njoftimin zyrtar thuhet se të gjithë individët (përfshirë qytetarët belgë) duhet të paraqesin një provë negative PCR Sars-Cov-2 / COVID-19, maksimum 72 orë para mbërritjes në Bruksel. Pak orë para ndërrimit të viteve, njoftohet se pasagjerët që mbërrijnë në Belgjikë pa rezultate të vlefshme të testit negativ dhe formularit të detyrueshëm, do t’u refuzohet hyrja në Belgjikë dhe do të duhet të nisen përsëri në vendin e nisjes.
Postimi i plotë nga Tirana International Airport:
Në vëmendje të pasagjerëve që udhëtojnë në Belgjikë. Në përpjekje për të kontrolluar përhapjen e pandemisë COVID-19, ju njoftojmë mbi kërkesat e fundit shtesë, të cilat janë vendosur nga autoritetet belge.
Të gjithë individët (përfshirë qytetarët belgë) duhet të paraqesin një provë negative PCR Sars-Cov-2 / COVID-19 maksimum 72 orë para mbërritjes në Bruksel.
Pasagjerëve që mbërrijnë në Belgjikë pa rezultate të vlefshme të testit negativ dhe formularit të detyrueshëm do t’u refuzohet hyrja në Belgjikë dhe do të duhet të nisen përsëri në vendin e nisjes.
Ju faleminderit për mirëkuptimin,
Tirana International Airport
