Kreu i Partisë Demokratike, Lulzim Basha ka zhvilluar sot një takim me përfaqësues të shoqatave të personave me aftësi të kufizuara.
Gjatë bisedës, Basha u njoh me problematikat me të cilat përballen këta persona.
Lideri i demokratëve iu bëri thirrje kësaj kategorie që të tregojnë kujdes nga virusi duke qenë se sipas tij qeveria nuk ka ofruar ndihmë për ta.
“Situata për ju ka qenë një makth i vërtetë edhe para nisjes së pandemisë. Ka qenë e tillë sepse ka reflektuar në situatën e përgjithshme të shoqërisë e cila është zhytur në depresionin ekonomik dhe në pamundësi financiare”, tha Basha.
