Austria ka vendosur masa për Ballkanin Perëndimor.
Raportohet se nuk do të lejojë shtetasit nga vendet e Ballkanit Perëndimor të hyjnë në vend pa karantinë.
Banorëve të Shqipërisë, Kosovës, Malit të Zi, Serbisë, Maqedonisë së Veriut dhe Bosnje e Hercegovinës iu kërkohet të vetizolohen për 14 ditë, kur të futen në Austri.
Lajmin e bëri publik Ministria e Punëve të Jashtme austriake:
“Ne po reagojmë në bazë të rrethanave, jo vetëm situatës në ato vende, por edhe faktit që ne shohim”.
Rikujtojmë se Komisioni Evropian vendosi që të mos hapë kufijtë me katër vende të Ballkanit Perëndimor, ndonëse rekomandimet e mëparshme ishin pozitive.
“Për t’u futur në këtë listë është e nevojshme që numri i të infektuarve në 100.000 banorë, në 14 ditët e fundit, të jetë i njëjtë apo i ngjashëm me mesataren e BE. Njëkohësisht edhe lëvizjet e numrave të të infektuarve gjatë dy javëve të fundit duhet të jenë stabile ose në rënie. Ndërkohë që të dhënat duhet të jenë të sakta dhe të qëndrueshme”, thuhej në shpjegimin e Këshillit të BE.
