Kryeqyteti i Turqisë, Ankaraja, është goditur ditën e djeshme nga një stuhi e frikshme rëre.
Zyrtarët raportuan se gjashtë qytetarë u lënduan lehtë nga objekte në ajër, si pasojë e erës së fortë në Polatli dhe lagjet përreth.
Video të ndryshme të shpërndara në rrjetet sociale tregojnë momentin kur një re gjigande tymi gllabëron ndërtesat.
https://www.youtube.com/watch?v=aYw3ZH8e_qo
Drejtoria e Përgjithshme e Meteorologjisë tha se stuhia e rërës dhe shiu do të vazhdonte edhe për disa orë në kryeqytetin turk, që gjatë muajit të shkuar përjetoi një thatësirë të madhe dhe temperatura si jo zakonisht të larta.
Paralajmërime për erëra të forta dhe stuhi rëre u lëshuan edhe për provincën fqinje Kirikkale, në Turqinë Qendrore.
